Monday, July 21, 2014

Popatah Potitih 21 JulaI 2014

21 Julai 2014

Supayo diakhirat hidup bahagio
Solagi idup jawi doso
Dirikan solat tunaikan poso
Bayar zakat banyakkan sodokah
Kojo kan haji dongan soleso
Sesamo makhluk bobuek jaso

Wednesday, July 16, 2014

Friday, July 11, 2014

Popatah Potitih 11 Julai 2014

11 Julai 2014

Kulit mai ditimpo batin
Batin ditimpo galo-galo
Dalam lahir ado bobatin
Dalam batin bohakikat pulo

Ghumah bosa boghi bopintu
Supayo toghang jalan ko halaman
Kok digumpa soleba kuku
Kok dikombang soleba alam

Walau sobosa biji labu
Bumi dan dilangit ado di dalam
Di luar nang tampak nyato
Dil dalam pandangan ilmu

Wednesday, July 9, 2014

Popatah Potitih 10 Julai 2014

10 Julai 2014

Sapo tak tahu malu
Tando hatinyo bobulu
Kok aib disingkap-singkap
Tando dighinya tiado boghadab
Siapo yang monyingkap aib oghang
Tando malunyo sudah hilang
Siapo yang mondodahkan aib malu oghang
Aibnyo tiado akal pun kughang

Monday, July 7, 2014

Popatah Potitih 7 Julai 2014

7 Julai 2014

Bilo musyawarah dikotopikan
Nang kuek makan momakan
Nang kuaso tokan monokan
Nang bosa ledan moledan
Nang lomah monjadi boban
Nang sakit botambah bontan
Bilo muafakat tak dijunjong
Kato tolanjur langkah tedoghong

Saturday, July 5, 2014

Friday, July 4, 2014

Popatah Petitih 4 Julai 2014

4 Julai 2014

Bobuah lah pisang di topi dapur
Dapo ae luas tompek bortanak
Botuah oghang hati ae jujor
Jujor dan ikhlas tando boakhlak

Apolah tando bintang timo
Cahayo ae toghang di langit tinggi
Apolah tando oghang yang jujor
Dado ae lapang hati ae suci

Thursday, July 3, 2014

Popatah Potitih 3 Julai 2014

3 Julai 2014

Nan tumbuh tompek bosiang
Nan ado jadi potimbangan
Alam boghubah jadi gughu
Faham disitu memanjeknyo

Tuesday, July 1, 2014

Popatah Potitih 2 Julai 2014:

2 Julai 2014

Akal tahu mendaghek dek munafaat
Monimbang awal dan akhir
Tahu dek Allah dan Rasul
Menentukan sunat dan fardhu
Mombedakan halal dan haram

Potatah Potitih 1 Julai 2014: Hutang

1 Julai 2014

Kok hutang dah molokek
Ghosah ghisau solalu monyakat
Langkah panjang monjadi singkat
Kaki dan tangan dah toghikek
Tido malam tosokat-sokat
Pintu mahkamah somakin dokek

Monday, June 30, 2014

Popatah Potitih 30 Jun 2014: Ibadah Puasa

30 June 2014

Kok moncaghi poso yang hebat
Jauhkan sifat dongki kianat
Jauhkan sifat dondam kosumat
Potuah amanah wajib diingat
Potunjok agamo wajib dibuek
Luguih kan hati elokkan niat
Kepado Allah mohon rahmat

Sunday, June 29, 2014

Popatah Potitih 28 Jun 2014

28 June 2014

Kok ondak moncolop solendang
Ingat-ingat ghagi ae hilang
Kok hidup ondak topandang
Ingat-ingat budi baik oghang

Thursday, June 26, 2014

Popatah Potitih 27 Jun 2014

27 June 2014

Lopeh salah dek botimbang
Lopeh tobat dek boghungkai
Lopeh hutang dek bobayar
Bukan hutang budi nan bosukat
Bukan hutang kain nan bohasto
Bukan hutang ghinggit nan bobilang
Hutang adat nan posako
Hutang budi dongan bahaso

Popatah Potitih 26 Jun

26 June 2014

Dalam kehidupan seharian
Tunaikan utang kok anak bini
Tunaikan hak dighi sondighi
Tunaikan kowajipan jangan monanti

Wednesday, June 25, 2014

Popatah Potitih 25 Jun

25 June 2014

Apo tando oghang nan koji
Lain di mulut lain di hati
Hati bebulu lidah bekelok
Hati busuk lidah tobalik
Lidah ae solalu botukar-tukar
Kok bocakap menggulung lidah
Kok bojalan menumit langkah
Kok bokawan menderhako
Kok bogaul mengambik muko
Kok bokojo bermuko duo

Sunday, June 22, 2014

Popatah Petitih 23 Jun

23 June 2014

Bukan adat anak Melayu
Menjual anak dongan omeh
Menukar anak dongan peghak
Menggadai anak dengan intan suasa

Popatah Potitih 22 Jun

22 June 2014

Solagi kuek piko lah boban
Solagi bojayo caghiklah pongotahuan
Solagi sehat solosaikan pokorjaan
Solagi bonyawo ingatlah tuhan

Thursday, June 19, 2014

Popatah Potitih 20 Jun 2014

20 June 2014

Bilo tahu membaleh budi
Tak akan ado oghang mongoji
Oghang monoghimo bosonang hati
Hidup beghamai oghang momuji
Totapi ingatlah wahai sahabat
Botanam budi jangan mengumpek

Saturday, June 14, 2014

Popatah Potitih 15 Jun 2014

15 June 2014
Moncughah air ko daun koladi
BiloMoncughah gagham ko laut
Hujan jatuh ko pasir
Molopeh anjing tosopit
Monabur bonih ateh batu
Umpamo oghang campak bungo
Di baleh campak dongan taik

Thursday, June 12, 2014

Popatah Potitih 12 Jun

12 June 2014

Bilo kulit dah kondo
Bilo mato dah kabo
Bilo gigi dah gugo
Bilo uban solalu botabo
Bilo solalu yo uzo
Bilo koghap disuap bubo
Itulah tando akan ke kubo

Wednesday, June 11, 2014

Popatah Petitih 11 Jun

11 June 2014

Bersatu teguh bercerai ghoboh
Muafakat bertambah borkat
Bosatu bertambah mutu
Mengkhianat akan dilaknat
Alah biso togah biaso
Berbahaso kito bobangso
Mombunoh akan dibunoh
Ikut ghaso binaso
Ikut hati mati
Ikut nafsu losu
Ikut sodap mongidap
Ikut maghah paghah

Tuesday, June 10, 2014

Popatah Potitih 10 Jun 2014

10 June 2014

Supayo solamat hidup di akhirat
Banyak mongkaji seghoto solawat
Quran dibaco sunnah diingat
Jauhkan segalo sifat yang sosek

Monday, June 9, 2014

Popatah Petitih

9 June 2014

Carilah pancang untuk alamat
Lopehkan balam di muko tingkap
Hendak mengukur balam dihutan
Balam disangkar dilambungkan
Poganglah janji dongan amanat
Hati yang mabuk bawa mengucap
Konanglah haghi yang kemudian
Esok badan akan bertanggungan

Sunday, June 8, 2014

Popatah Potitih

8 June 2014

Raja berdaulat dalam alam ea
Ponghulu menobat dalam suku ea
Buapak menobat dalam anak buah ea
Oghang banyak menobat dalam teratak ea
Bukit samo didaki, lughah samo dituruni
Gantang samo ditolok, cupak samo dipawai
Adat samo dikatokan
Botimbang samo boghek
Bobagi samo banyak
Godang boghek samo ditatang
Ringan samo dilotakkan
Olek rajo totap kito laksano
Akan dijunjung soponoh-ponoh kopalo
Akan dipikul sountuk-untuk bahu

Friday, June 6, 2014

Popatah Potitih

Popatah Potitih disampaikan oleh Prof Madya Datuk Paduka Dr. Mohd Rosli Saludin menerusi radio Negeri FM

Yang mano kijang yang mano napoh,
Yang mano datang yang mano ghompoh
Yang mano koghingat yang mano poloh
Yang mano tanam yang mano tumboh
Yang mano labu yang mano kundur
Yang mano sapo yang mano togur

Tuesday, April 1, 2014

WARNA WARNI ADAT PERPATIH 2017

Warna Warni Adat Perpatih 2017. Tema : Olek Perkahwinan Tarikh : 15hb April 2014 (Sabtu) Masa : 9.00 pagi hingga 11.00 malam Lokasi : Perkarangan Muzium Negeri Sembilan, Seremban

RENUNGAN BUAT ANAK-ANAK NEGERI SEMBILAN

Popular Posts