Nyomondo

BLUES GANG

Kalau bertandang ke bumi adat,
Ikut aturan jangan disanggah,
Hidupnya kito di lingkung adat,
Matinya kito di kandung tanah

Dari Koto poie Soghomban,
Nak daro cantik laei menawan,
Kok tosilap kato kito dihamunkan,
Duduk ontok-ontok jangan melawan

Dongan montuo jangan mombohong,
Takut disumpah jadi keparat,
Bulatnya air kerana pemotong,
Bulat kato kerano mufakat

Chorus
Kalau dah duduk di bumi adat,
Biarlah padi dari lalang,
Pado yang bongsu diboghi mandat,
Silap lari solai sopinggang

Kampong Lado, Tanjung Sonong,
Ulu Sopori, Kampung Pematang
Kito nyomondo tak ado kuaso,
Suruh poei dipanggil datang

Cucunya sayang nak mulo belajar,
Antar sekolah, sekolah tadika
Balik bojomput poie berantar,
Cucu dikundang ateh basikal

Ingat nak pencen sudahlah sampai,
Ghumah pusako kito botolkan
Kito nyomondo bak buah rambai,
Tanah pusako bagai durian

Bilo kito sudah besagho,
Duit pun sikit kurang kuaso,
Tak tahan daulat tanah pusako,
Berangkeklah balik ke porak kito

Chorus
Hati gajah samo dilapah,
Hati kuman samo dicincang,
Sayangkan bini hormat montuo,
Beradat bilo monyomondo

Tido baring besamo cucu,
Atuk dah mulo monjoling-joling,
Di topi Uwan di tongah cucu,
Atuk kono tido mongereng

Belago kono dihimpap rumah,
Kito kono duri durian,
Kito nyomondo di bumi adat,
Untung nasib tuahnya badan

Batu godok, batu tanggo,
Batu giling, batu nesan,
Tak tahan daulat tanah pusako,
Lobih baik pocah sompadan.